حرروا التحرير
سؤال بأقـوله لنفسي
ولكـــل صـاحب ضمير
الثـورة طقّــة حنك
وألاهي غضبـة فقير
الثورة هبّــــــة بطل
مش فلسفــــه وتنظير
الثـــورة لحُمـــة وطن
مش أسلمــــه وتنصير
ولا صوت شويـة غجر
مدفوعــــه للتدمير
ولا جنـه للمفسده
وبحجـــــة التغيير
تطلع فتــاه مُفسده
وتهين أكــابرنا
وتسب عالــــِم جــليل
له منزله وتقــــدير
أصــل اللي ربّا ما ربّا
والفســــاد تِركه
وارثاها عن أب ملعــون
حقير
******
ســــؤال بأقــــوله لنفسي
ولكـــل صــــــاحب ضمير
الثوره صوت الغـــــلابه
وألا نهيق الحمـــــير
وألا هي صــــوت العوانس
واللي طلقّـــــــــها
جوزها في ساعــــة غضب
نزلت علي التحــــــرير
وألا اللي قلعت عشــــــان
مأجــــــــور يصورها
ويقولوا شوفوا اللي كاشفها
اللي فاكـــــــــره غفير
شوف اللي غطــــــي
يا فاضح عرض أمثــالك
وألا أنت وقت الشهامـــة
توقف التصــــوير
وتقولوا شرف الحـــراير
في الميـــدان مردود
له جمعه مخصـــوصه
والأمر أصــله جد خطير
الحرة في بيتها ياجيل
الفساد والعار
ملكـــه علي مملكة
بالفهــــــم والتدبير
في صبرهـــا شهر زاد
صاينــة اللي صاينها
وف علمها مدرسة عالية
تربي صغـــــــير
مش نايمه جوا الخيـــــام
علشـــــان تقضّيها
مع شاب صـــــايع
مالوش لازمه عامللي كبير
واللا اللي شامم وشـارب
واللي مسطولــــه
عمالـــه بتهرتل كلام سافل
في حـــــق مُشير
وألا اللي قابض وبيـأجّر
عيال صيّع
بتبيد تاريــــخ البلد
بالحرق والتكسير
ســــؤال بأقــــوله لنفسي
ولكـــل صــاحب ضمير
الثورة إعـلام فتن
وألا كــــلام مستنير
وألا هي قعـــدة مذيع
عمّال يولعهـــــا
الخبث باين علي وشــــه
يشوفــه ضــــــرير
له فلسفــه في الحوار
يسخن قـــــوام ضيفه
يقطع معــــــاه الحديث
ويقوله.....إشرب عصير
وألا مذيعه لمسها جن جننهـــا
سحنتهــــــا زي الغراب
تنفـــــــخ في نار الكير
وألا شوية عيال إبليس مأجرهم
نــُشطا في فن الهجــــص
والردح والتشهـــــــير
يتنقلوا في الفضـــــــا
شايلين عصـــــايتهم
فاكرين خـــلاص نفسهم
صبحوا من المشــــاهير
وألا هي ملعــــون وراجع
من بلاد بــّـــــره
طمعان في كرسي الرئاســه
وألا حتي........... وزير
عُملا وخانــــــوا البلد
والتمويلات واضحــــه
مش صعبة الإثباتـــــات
ولا صعبــــــة التفسير
ودول يا دوب عينـّــه
م اللي عرفنـــــاهم
لكن دا فيه زيهــــــم
واللي شبههــــــم كتير
والشعب منهم زهــــق
قرف خلاص وإتخنــــــق
من شرهم يستجــــــــير
يا ريت بقي تحــــرمونا
من مناظـــــرهم
أو تقفلوهـــا عليهم
وإبدأوا التشفـــــير
*****
ســــؤال بأقـــــوله لنفسي
ولكـــل صـــــــاحب ضمير
الثورة إسقاط... وطن
وألا بـُنـــــا وتعمــــير
وألا هي حق إعتصــام
سـِلمي ويقلب صِــــدام
والبلطجي في الزحــام
لومات يقــــولوا قوام
دا راح (( شهيد النظـــام ))
دمّه يا عالم حــــــرام
وأبالســـه وقت الكلام
وصهاينه......... في التفكير
دي مليونية نعـــــوش
وتقعدوا ما تقومـــــوش
إلا أما تاخــــدوا القروش
حق الشهيد الفاشــــوش
أصل إنتـــــوا ما أتربتوش
بتهينوا قادة جيـــــــوش
ما لهمش في الكــون نظير
الثورة قــُطّاع طـــــُرق
تقفل خطـــــوط المسير
الثـــــورة قِلـــة أدب
وألا خريطـــة مصير
خــــلاص رصيدكم نفذ
ما عــــادش ليكم نصير
الثورة صبر وجـَـــلد
وألا حواوشي وفطــــير
وألا هي جوا الخيـــــام
لها شكل فاضـــح مثير
فيها متين إئتــــلاف
بينهم متين إختلاف
يجمعهم الإعتــــلاف
فيها تشوف إنحراف
ولنار جهـــنم....... سفــير
وعيال ما هماش نـُــضاف
وتشوف وشوشهم تخاف
ولا يعرفوش العفـــــــاف
وليلاتي حفلة زِفـــــــــاف
والحـــرب فوق السرير
الثوره جـــــوا الميدان
مدعومه م الأمريكــان
فيها الغبي واللي خان
وإبن الشوارع كمــان
حتي اللي عنده جـِنان
أهو برضه ..ينفع أجير
*****
الثوره خلصت يا هــــوه
ووطننـــا ها يضيعوه
هــِدوا الخيـــام ..نضفوه
ودا ندائي الأخـــــير
*****
رجاء.. بأقـــــوله لنفسي
ولكـــل صــاحب ضمير
ولكل مصرية حــرة
ع البلـــد بتغير
آن الآوان تصرخوا
ويكون لصوتكم ..زئير
وتنظمـــوا صفكـــم
وتوحــــــدوا رأيكم
وتجمعوا شملكـــــم
وتروحوا يوم كـُلكم
وتحرروا التحـــرير
----------------------------
الخميس فبراير 16, 2012 3:10 pm